रुसद्वारा मध्य, दक्षिणी क्षेत्रहरूमा उडान प्रतिबन्धहरू विस्तार

दैनिक नेपाल २०७९ वैशाख २९ गते १७:०२

मस्को, २९ वैशाख । रुसको दक्षिणी र मध्य भागहरू युक्रेनको छिमेकी देशका ११ वटा विमानस्थलमा उडानको अस्थायी प्रतिबन्ध मे १९ गतेसम्म लम्ब्याइएको रुसको हवाई यातायातका लागि संघीय एजेन्सी (रोसाभिएट्सिया) ले बिहीबार जनाएको छ।

एघार रूसी एयरपोर्टहरूमा अस्थायी उडान प्रतिबन्धको व्यवस्थालाई १९ मे २०२२, मस्को समय ००:४५ जिएमटीे बिहान ३:४५ बजेसम्म विस्तार गरिएको विज्ञप्तिमा जनाइएको छ। प्रतिबन्ध अनापा, बेलगोरोड, ब्रयान्क्स्क, भोरोनेच, गेलेन्द्चिक, क्रास्नोडार, कुर्स्क, लिपेट्स्क लगायातका शहरहरूका एयरपोर्टहरूमा लागू हुनेछ।

रूसी एयरलाइन्सहरूलाई सोची, भोल्गोग्राड, मिनरल्नी भोडी, स्टाभरोपोल र मस्कोको एयरपोर्टहरू प्रयोग गरेर वैकल्पिक मार्गहरूमा यात्रुहरूको यातायात व्यवस्थित गर्न सिफारिस गरिएको समेत विज्ञप्तिमा उल्लेख गरिएको छ।

युक्रेनमा रुसको सैन्य कारबाही शुरु भएपछि रोसाभियात्सियाले फेब्रुअरी २४ मा प्रतिबन्धहरू लागू गरेको थियो। –रासस